Saturday, November 8, 2008

အချက်အလက်ရှာဖွေစုဆောင်းခြင်း (ဥပမာ သာဓက)

ဤပိုစ့်တွင် အချက်အလက်ရှာဖွေစုဆောင်းခြင်း ကို ဥပမာ နေဖြင့် ဖေါ်ပြသွားပါမည်။

ယခင်ပိုစ့်တွင် ဆက်စပ် (လင့်ခ်) တင်ပြခဲ့သည့် http://burmese.dvb.no/news.php?id=6038 သတင်း ကိုပြန်လည်ဆန်းစစ်ပါ။ ထိုသတင်းတွင် မိထ္ထီလာ အခြေစိုက် လေတပ် ဗိုလ်တဦးက ၁၉ နှစ် အရွယ် ဆယ်တန်းကျောင်းသား ကလေးအား ဓါးဖြင့်ထိုးသတ်ကြောင်း၊ အလောင်းကို ဝေးလံသောနေရာတွင် မြှုပ်နှံကြောင်း၊ မိသားစုအား ငွေ၁၅သိန်း လျော်ကြေးပေးကြောင်း များ ဖေါ်ပြထားပါသည်။

လူသတ်မှုကိုကျူးလွန်သော ဗိုလ်ကြီးအောင်တေဇာ အမည်ရှိ လေတပ်တွင် အမှုထမ်းဆောင်နေသူသည် ဥပဒေအရ အရေးယူခံရ ခြင်းရှိမရှိ သတင်းမရ ရှိပါ။

ဤကဲ့သို့သောအခြေအနေ မျိုးတွင် ယခုဘလော့ဂ်ကဲ့သို့  သတင်းဖြန့်ဝေသူများ၏ အခန်းကဏ္ဍသည်များစွာ အရေးကြီးအသုံးဝင်လာ ပါသည်။

ဗိုလ်ကြီးအောင်တေဇာ သည် အကြီးဆုံးသောရာဇဝတ်မှုကြီးဖြစ်သည့် လူသတ်မှုကို ကျူးလွန်သူ ဖြစ်ပါသည်။ ၎င်းသည် ရာဇဝတ်သားဖြစ်သည့်အားလျော်စွာ အကျဉ်းထောင်ထဲတွင် ရာသက်ပန် နေထိုင်သင့်ပါသည်။

၎င်း၏ ဇနီးသည်ဖြစ်သူ မိထ္ထီလာစစ်ဆေးရုံတွင် တာဝန်ထမ်းဆောင်နေသော ဆရာဝန်အမျိုးသမီးသည် မိမိယောက်ျား လူသတ်သမား၏ အကြောင်းကို သိသင့်သိထိုက် ခွင့်ရှိသင့်ပါသည်။ အဘယ်သူသည် လူသတ်သမားနှင့် ညစဉ် အိပ်ရာဝင် ပျော်ရွှင်ပေါင်းဖက် ဆက်ဆံလိုစိတ် ရှိပါအံ့နည်း။ ထို့အပြင် ၎င်းကိုယ်တိုင်တွင်လည်း အသက်အန္တရယ် စိုးရိ်မ်ဖွယ်ရာ ရှိပါသည်။ (ဗိုလ်ကြီးအောင်တေဇာ သည် ကလေးအလောင်းကို စစ်ဆေးရုံ ရေခဲတိုက်သို့ သယ်ဆောင်ခဲ့ပါသည်။ သို့သော် ၎င်းသည် ဤကလေးအား ၎င်းကိုယ်တိုင် သတ်ခဲ့ကြောင်း သက်ဆိုင်ရာရဲစခန်းသို့ သတင်းပို့ဝန်ခံခြင်းမရှိခဲ့ပါ။)

ဗိုလ်ကြီးအောင်တေဇာ၏ မိဘဆွေမျိုးများသည်လည်း ၎င်းတို့၏ လူသတ်သမား သား အကြောင်းကို သိရှိထိုက်ပါသည်။ ၎င်းတို့၏ ချစ်မညီးသော သားအာဇာနည်ဗိုလ်ကြီးသည် အခြားမိဘ တဦး၏ ရင်နှစ်သည်းခြာ အပစ်မဲ့လူငယ်လေးတယောက်အား မောက်မာရက်စက်စွာ ဓါးဖြင့် အသေထိုးသတ် ခဲ့ပါသည်။ အကယ်၍ အခြားသူတဦးက ဗိုလ်ကြီးအောင်တေဇာ အား ဓါးနှင့်ထိုးသတ်ပြီး ငွေ ၁၅သိန်းကို မိဘများအား လျော်ကြေးလာပေးပါက ၎င်းတို့ သည် ကျေကျေနပ်နပ် မေ့မေ့ပျောက်ပျောက်ဖြင့် ထိုငွေများအား ပျော်ရွှင်စွာသုံးစွဲ ပါမည်လော။

ဗိုလ်ကြီးအောင်တေဇာ တာဝန်ထမ်းဆောင်နေသော မိထ္ထီလာ မြေပြင်အတတ်သင်လေတပ်စခန်းမှ သက်ဆိုင်ရာ အရာရှိအရာခံ များနှင့် မိထ္ထီလာ ပြည်သူ့ ရဲစခန်းမှ တာဝန်ရှိ ရဲအရာရှိ များ အားလုံးသည်လည်း ဤလူသတ်မှုကြီးအကြောင်းကို သိသင့်သိထိုက်ပါသည်။ သို့မှသာလျင် ၎င်းတို့သည် ဗိုလ်ကြီးအောင်တေဇာ အား သက်ဆိုင်ရာ ဥပဒေများ အရ အရေးယူဆောင်ရွက်သွား နိုင်မည်ဖြစ်ပါသည်။

ထိုအကြောင်းများကြောင့် တာဝန်သိမြန်မာလူမျုိုးများတို့သည် ဤလူသတ်မှုအကြောင်းကို DVB မှဖေါ်ပြခဲ့ပြီးဖြစ်သော်လည်း ထပ်မံ၍ မှတ်တမ်းတင် သတင်းဖြန့် ဝေသင့်ကြပါသည်။

လေးစားစွာဖြင့်

နေခြည်ဦး

0 comments: