Saturday, November 8, 2008

မြန်မာပြည်ကလူ၊ စကားဝဲ၏

အသင်မြန်မာပြည်က လာပါသလား။

အသင်သည် ဗမာ(သို့ မဟုတ်)တိုင်းရင်းသား မျိုးနွယ် ဖြစ်ပါသလား။

အသင်သည် အကြောင်းအမျိုးမျိုးကြောင့် မြန်မာပြည် ကိုစွန့် ခွာပြီး တိုင်းတပါးတွင် အခြေစိုက်နေထိုင်လုပ်ကိုင်စားသောက် နေပါသလား။

အသင်သည် မြန်မာပြည်၏ အဖက်ဖက်မှ ယိုယွင်းပျက်စီးနေသော နိ်ုင်ငံရေး၊ စီးပွားရေး၊ လူမှုရေး အခြေအနေများကို သိရှိ၊သတိပြု မိပါသလား။

အသင်သည် ထိုကဲ့သို့ အဖက်ဖက်မှ ယိုယွင်းပျက်စီးနေသော မြန်မာနိုင်ငံတွင် သန်းပေါင်းများစွာသော လူများ နေ့စဉ်ထမင်းနပ်မှန်မှန် စားရရေးနှင့် အရှက်လုံရန်ဝတ်ဆင်ရေးတို့ အတွက် ပင်ပမ်းဒုက္ခကြီးစွာ ရုန်းကန်လှုပ်ရှား နေကြရကြောင်း သိရှိ၊ နားလည်၊ ခံစား မိပါသလား။

အသင်သည် မြန်မာနိုင်ငံတွင် ထောင်ပေါင်းများစွာသော ရိုးသားဖြောင့်မတ်၊ အမှန်တရားဘက်မှ ရဲဝံ့စွာရပ်တည် သူများသည် မတရား ညှင်းပမ်းနှိပ်စက် ခံရ ရုံသာမက နှစ်ရှည်လများ ထောင်သွင်းအကျဉ်းချ ခံကြရသည် ကို သိရှိ နားလည် ခံစားမိပါသလား။

အသင်သည် ဖေါ်ပြပါသတင်းများဖြစ်သည့် -

နိုင်ငံတော်၏လျှို့ ဝှက်ချက်များ

၁၀တန်းကျောင်းသားကိုဓားနှင့်ထိုးသတ်သော မိထ္ထီလာလေတပ်က ဗိုလ်ကြီးအောင်တေဇာ

မတရားမှုများကို ကျူးလွန်နေသော တရားရုံး

စသည်များကို ဖတ်ရှုသော အခါ စစ်ဝါဒ စနစ်ဆိုးကြောင့် အစစပျက်သုန်းနေပြီဖြစ်သော မြန်မာနိုင်ငံကို၎င်း၊ ဒုက္ခဆင်းရဲခြင်းကြီးစွာဖြင့် မတရားဖိနှိပ်ချုပ်ခြယ်မှုကို ပြင်းထန် ဆိုးရွားစွာ ခံစားနေကြရသော ရိုးသားအပြစ်မဲ့သည့် ပြည်သူများကိုသော်၎င်း တနည်းတဖုံအားဖြင့် ကူညီလိုစိတ် ရှိပါသလား။

အကယ်၍ ကူညီလိုစိတ်ရှိပါလျင် ဤဘလောဂ့်တွင် ဖေါ်ပြထားသော စာရင်းဇရားပြုစုမှတ်တမ်းတင်ခြင်း ပိုစ့် ကို ကျေးဇူးပြု၍ ဖတ်ရှုပြီး ထိုလုပ်ငန်းစဉ်များကို စတင်ဆောင်ရွက် ပေးပါ။

အသင်၏ အားလပ်ချိန်တွင် တနေ့ ကို နာရီဝက်၊ တနာရီခန့်မျှ စာရင်းပြုမှတ်တမ်းတင် ခြင်းဖြင့် စစ်အာဏာရှင်အစိုးရ အား ထိမိပိုင်နိုင်စွာ ထိုးစစ်ဆင် တိုက်ခိုက်နိုင်ပါသည်။

လေးစားစွာဖြင့်

နေခြည်ဦး

0 comments: