သတင်းလွတ်လပ်ခွင့်ရရေး တိုက်ပွဲတွင် ဒီမိုကရေစီနိုင်ငံများ ရှုံးနေ

မဇ္ဈိမသတင်းဌာန ကြာသပတေးနေ့၊ အောက်တိုဘာလ 23 2008 22:59 - မြန်မာစံတော်ချိန်


ချင်းမိုင်။ ။ နိုင်ငံရပ်ခြား တိုင်းပြည်များမှနေ၍ သတင်းလွတ်လပ်ခွင့်ရရေး တိုက်ပွဲဝင်ရာတွင် နိုင်ငံတကာ အသိုင်းအဝိုင်း၏ မထိရောက်ဘဲ အပိုင်းပိုင်းအပြတ်ပြတ် ဖြစ်နေသည့် လှုပ်ရှားမှုများကြောင့် အာဏာရှင် အစိုးရများသည် ပြည်တွင်း မီဒီယာများကို အောင်မြင်စွာ နှိမ်နင်းထားနိုင်သည်ဟု ၂ဝဝ၈ ခုနှစ်အတွက် ထုတ်ပြန်သော သတင်းလွတ်လပ်ခွင့် အညွှန်း (Press Freedom Index) က ဆိုသည်။

ကမ္ဘာ့အဆိုးဝါးဆုံး သတင်းလွတ်လပ်ခွင့် ချိုးဖောက်သူများကို တိုက်ပွဲဆင်ရာတွင် နိုင်ငံတကာ အသိုင်းအဝိုင်း မအောင်မမြင် ဖြစ်ရခြင်း၌ ဒီမိုကရေစီ နိုင်ငံများ အတွင်း၌ ခြစားမှုများ ပိုမို များပြားလာနေခြင်းနှင့် မထိရောက်သော တွေ့ဆုံဆွေးနွေးမှုများ၊ ကုသမဂ္ဂ၏ ပို၍ အဆက်အစပ်မဲ့သော လုပ်ဆောင်ချက်များသည် အဓိက အကြောင်းရင်းများ ဖြစ်သည်ဟု ပြင်သစ်အခြေစိုက် နယ်စည်းမခြား သတင်းထောက်များအဖွဲ့ (RSF) ၏ ယမန်နေ့က ထုတ်ပြန်သော အစီရင်ခံစာတွင် ရေးသား ဖော်ပြထားခြင်း ဖြစ်သည်။

“အဓိက ဦးဆောင် ဒီမိုကရေစီနိုင်ငံကြီးများ၌ မတည်ငြိမ်ဘဲ ခံစစ်အနေအထားတွင်သာ ရှိနေခြင်းကြောင့် လွတ်လပ်ခွင့်အတွက် အခွင့်အလမ်းများမှာ ပိုမိုလျော့နည်း ပျောက်ဆုံးလာနေသည်။ စီးပွားရေးအရ အင်အားအကြီးဆုံး အာဏာရှင် စနစ်များသည် နိုင်ငံတကာ အသိုင်းအဝိုင်းအတွင်း ကွဲပြားနေမှုကို အခွင့်ကောင်းယူက သူတို့၏ အာဏာရှင်စနစ်ကို မောက်မာစွာ ကာကွယ် ပြောဆိုလာကြသည်” ဟု RSF အစီရင်ခံစာက ဆိုသည်။

ဒီမိုကရေစီနိုင်ငံများ၏ လက်ရှိ တကွဲတပြား တုံ့ပြန်နေမှုသည် တံခါးပိတ် လူ့အဖွဲ့အစည်းများ၏ ခေါင်းဆောင်များက သတင်းလွတ်လပ်ခွင့်ကို ဖိနှိပ်ခြင်းအား ရုပ်သိမ်းစေရန် လုံလောက်သော ဖိအားပေးနိုင်ခြင်း မရှိဆိုသည်ကို ပြသခဲ့ပြီးဖြစ်သည်ဟုလည်း ပြောသည်။

“ကမ္ဘာ့အဆိုးဆုံး သတင်းစာလွတ်လပ်ခွင့် ချိုးဖောက်သူများ အုပ်စိုးနေသည့် တံခါးပိတ်နိုင်ငံများတွင် ပြည်တွင်း မီဒီယာများကို ထင်သလို ပိတ်ဆို့ ဟန့်တားနေကြဆဲ ရှိသည်။ ယင်းအတွက် မည်သည့် အရေးယူ ဒဏ်ခတ်မှုမျှလည်း မခံရ၊ ကုလသမဂ္ဂအဖွဲ့ကြီးကလည်း ယင်း၏ အဖွဲ့ဝင်နိုင်ငံများ အပေါ်တွင် သြဇာမရှိ” ဟု RSF က ရေးသားထားသည်။

၂ဝဝ၈ ခုနှစ်အတွက် ၁၇၃ နိုင်ငံအား လေ့လာချက်တွင် သတင်းလွတ်လပ်ခွင့် ချိုးဖောက်မှုအဆင့်၌ မြန်မာနိုင်ငံသည် အဆင့် ၁၇ဝ ရှိနေပြီး၊ သူ့အထက် ကပ်လျက်တွင် တရုတ်၊ ဗီယက်နမ်နှင့် ကျူးဘားနိုင်ငံတို့ရှိပြီး၊ သူ့အောက် အဆိုးဆုံး နိုင်ငံ ၃ ခုမှာ တာ့ခ်မေနစ်စတန် (Turkmenistan) ၊ မြောက်ကိုရီးယားနှင့် အီရီထရီးယား (Eritrea) တို့ ဖြစ်သည်။

RSF က မြန်မာနိုင်ငံကို “နိုင်ငံခြားသားကြောက် ရောဂါရှိပြီး ပျော့ပျောင်းမှု မရှိသည့် စစ်အစိုးရ အုပ်ချုပ်နေသည့် နိုင်ငံ” အဖြစ် ဖော်ပြထားသည်။ ဤနိုင်ငံတွင် “သတင်းသမားများ၊ ပညာတတ်များနှင့် နိုင်ငံခြားသားများကိုပင် စစ်အစိုးရက ရန်သူအဖြစ် ရှုမြင်ကြသည်။ သူတို့သည် သူတို့အလုပ်အတွက် တန်ဖိုး အများကြီး ပေးကြရသည်” ဟု ရေးထားသည်။

အစီရင်ခံစာ လေ့လာမှုလုပ်ခဲ့သည့် ၂ဝဝ၇ စက်တင်ဘာမှ ၂ဝဝ၈ စက်တင်ဘာလ တနှစ်အတွင်း သတင်းသမား အများအပြားကို မြန်မာစစ်အစိုးရက ထိန်းသိမ်းခဲ့သည်ဟုလည်း အစီရင်ခံစာတွင် ရေးသားထားသည်။

မြန်မာဗိုလ်ချုပ်ကြီးများနှင့် အတိုက်အခံ ပါတီများအကြား မယ်မယ်ရရရှိသော တွေ့ဆုံဆွေးနွေးမှုများ စတင်နိုင်ရန် ကုလသမဂ္ဂအဖွဲ့ကြီး၏ ကြိုးပန်းနေမှုများအပေါ် အခြား လေ့လာသုံးသပ်သူများက ယခုအထိ လေ့လာ သုံးသပ်ထားသလိုပင် RSF ကလည်း “တွေ့ဆုံဆွေးနွေးရေးမှာ အနည်းငယ်သာ အောင်မြင်မှုရှိကြောင်း ထင်ရှားလှသည်။ အဆိုးဝါးဆုံး အာဏာရှင်အစိုးရများပင် မည်သည့် ဂယက်ရိုက်ခတ်မှုမျိုးအတွက်မျှ စိုးရိမ်စရာမလိုဘဲ ကန့်ကွက်မှုမျိုးစုံကို မသိကျိုးကျွန် ပြုနိုင်ဆဲရှိသေးသည်။ သူတို့အတွက် ရံဖန်ရံခါ သံတမန်ရေးအရ မည်မည်ရရ မဟုတ်သော စိတ်မသက်မသာ ဖြစ်ရတာလေးမျိုးသာ ရှိသည်” ဟု ဆိုထားသည်။

ဇယားတွင် ဖော်ပြထားသည်ကို သေသေချာချာကြည့်လျှင် မြန်မာနိုင်ငံသည် သတင်းလွတ်လပ်ခွင့်ကို လုံးဝ အရေးမစိုက်သော ကမ္ဘာ့ဒေသကြီးအတွင်း ရှိနေသည်ကို မြင်ရမည်။

(လေ့လာမှုတွင် မပါဝင်သော ဘရူနိုင်းနိုင်ငံမှအပ) မြန်မာနိုင်ငံ၏ အိမ်နီးချင်း နိုင်ငံအားလုံးနှင့် အာဆီယံ အဖွဲ့ဝင်နိုင်ငံများသည် ထိုအတိုင်းပင် ဖြစ်သည်။ ဤလေ့လာမှု၌ သတင်းလွတ်လပ်ခွင့်တွင် အဆင့်အကောင်းဆုံး ရရှိခဲ့သည့် အင်ဒိုနီးရှားနိုင်ငံပင် အဆင့် ၁၁၁ ၌ ရှိနေသည်။ ယင်းတနိုင်ငံတည်းသာ သတင်းလွတ်လပ်ခွင့်၌ အောက်ဆုံးအဆင့်ရောက် ၃၃ ရာခိုင်နှုန်း နိုင်ငံများတွင် မပါဝင်သော နိုင်ငံဖြစ်သည်။

ယခုနှစ်အတွက် သတင်းလွတ်လပ်ခွင့်တွင် အကောင်းဆုံး အဆင့်ရရှိသော ၃ နိုင်ငံမှာ ဥရောပမှ အိုက်စလန်၊ လူဇင်းဘတ်နှင့် နော်ဝေတို့ ဖြစ်ကြသည်။ ပြီးခဲ့သောနှစ် အစီရင်ခံစာပါ လေ့လာချက်အရ နိုင်ငံပေါင်း ၁၆၉ နိုင်ငံကို လေ့လာခဲ့ရာတွင် မြန်မာနိုင်ငံသည် အဆင့် ၁၆၄ တွင် ရှိခဲ့သည်။

http://www.mizzimaburmese.com/news/regional/1865-2008-10-23-16-43-12.html